Thursday, May 23, 2013

നിന്റെ അടുത്ത വരവിനായ്‌ !!!!

ഓ  ദൈവമേ,
നീ എന്റെ ആത്മാവിനെ സ്പർശിക്കുമ്പോൾ 
എന്റെ കോട്ട വാതിലുകൾ മലർക്കെ 
തുറന്നു പോവുകയും,
കിളി വാതിലുകൾ എല്ലാം തന്നെ  നിന്നിലേക്ക്‌ 
എത്തി നോക്കപെടുകയും  ചെയ്തുപോകുന്നു....
ധൃതിയിൽ  രാജാവിനെ പോലെ ഇരച്ചു നീ വരികയും 
ഒരു കള്ളനെ പോലെ എന്റെ  അകവും പുറവും 
പരിശോധിക്കുകയും ചെയ്യുന്നു ......
ഒടുവിൽ "നിന്നെ എനിക്ക് വേണം "
എന്നൊരു വാക്ക് എന്റെ പീഠത്തിൽ  
കൊളുത്തിവച്ച് ,
എന്റെ കോട്ടയിൽ വെളിച്ചത്തിന്റെ ഉറവിടം ഉണ്ടെന്നു 
കാണിച്ചു നീ മടങ്ങുന്നു.........
സ്നേഹത്തിന്റെ കനി ഭക്ഷിച്ച ആ ദിവസത്തിനു ശേഷം
ഇന്നു എന്റെ ദിനരാത്രങ്ങൾ  
നിന്റെ കാല്പാടുകൾ തേടി അലയുകയാണ്........

എന്റെ കോട്ട വാതിലുകൾ ഞാൻ എടുത്തുമാറ്റിയിരിക്കുന്നു 
നിന്റെ അടുത്ത വരവിനായ്‌ !!!!

1 comment:

Unknown said...

തുടരുക..ആശംസകൾ..