എന്റെ ആകാശത്ത് വട്ടമിട്ടു പറക്കുന്ന
വിഷാദത്തിന്റെ പക്ഷി, നീ വരിക
എന്റെ തോളോട് ചേർന്നിരിക്കുക ....
നിനക്ക് ഞാനൊരു ഗീതം കേൾപ്പിക്കാം ,
ഇടക്കിടയ്ക്ക് നിന്റെ ചിറകടിയാലൊരു താളം..
മുഴുമിപ്പിക്കാൻ കഴിയാത്ത എന്റെ ഗാനം...
കണ്ണുകൾ തമ്മിലുടക്കി കൊത്തിവലിക്കുന്നുണ്ട് ,
നിന്റെ തൂവലുകൾ എന്റെ കവിളത്ത് പെയ്യുന്നു
എന്റെ കരങ്ങൾ നിന്റെ ദേഹത്ത് ഒഴുകുന്നു ...
നിന്റെ വിഷാദം ഞാൻ ഒപ്പിയെടുക്കുകയും
എന്റെ സ്നേഹം നിന്നിലേക്ക്‌
കൊക്കുരുമ്മുകയും ചെയ്യുമ്പോൾ ,
വിഷാദത്തിന്റെ പക്ഷി , നീ തിരിച്ചു പറക്കുക
പ്രണയത്തിന്റെ കുയിൽ നാദമായ് .....!
ചിത്രത്തിന് കടപ്പാട് ഗൂഗിൾ !
No comments:
Post a Comment