Wednesday, August 7, 2019

BEING YOU!!!


Image result for being you


Nobody is going to love you like the way you will embrace yourself. So never wait for anyone to find worthy in you, instead start believing in yourself. Find happiness in your wellbeing, your skin. No matter what the world thinks of you, never give up on self. It's not late if you are under self-loathing, today is a beautiful day and try to start to love yourself. When you truly begin to love and respect yourself, nothing going to make you less of a Man/ Women. If you found the companionship of yourself, then no external factors goanna interferes with your happiness. Never connect your happiness with anyone’s kindness. Perhaps, you should be the person who can look down on people and extend your kindness. Nevertheless, once you love yourself, rest all unnecessary worries of lack of getting love from others being vanished. Know your worth and never let this world take your dignity, love, and respect from you unless you fail to stop loving yourself. You are matters, and worthy of love!!! I just want to let you know that you are amazing and the best kind of person anyone could ever wish for!!! So never stop being you!!!  💌💌💌💌💌💌

Wednesday, August 13, 2014

നീ എവിടെയാണ് ?




വാക്കുകൾ നഷ്ട്ടമായിട്ട് വിരലുകൾക്ക് വിശ്രമം നല്കി 
നീ പോയതെങ്ങോട്ടാണ് ? 

കടലിരമ്പലിലും കാറ്റിന്റെ കനത്ത പ്രഹരത്തിലും 
കൈപെടാതെ നീ ഒഴിഞ്ഞു മാറിയത് എവിടെക്കാണ്‌ ?

ഒരു നിലാവിനും പ്രശോഭിക്കാൻ അനുവദിക്കാത്ത വിധം 
തീരത്തെ നിത്യ അമാവാസിക്ക് ബലികൊടുക്കാൻ മാത്രം 
എന്റെ ഏതു വേലിയേറ്റമാണ്‌ നിന്റെ പരിധി ലംഘിച്ചത് ?

കടൽ കാക്കകളുടെ ആകാശ സീമയെയും 
കടൽ പാമ്പുകളുടെ കടലാഴങ്ങളെയും ഭേദിച്ചു
ഒരു തുറമുഖത്തിനും മുഖം കൊടുക്കാതെ -
നീയേതു കപ്പലായാണ് അലയുന്നത് ? 

ചുവന്ന ഗോളത്തിനെ വിഴുങ്ങിയും ഒക്കാനിച്ചും
എന്റെ  കടൽ ഇങ്ങനെ പ്രക്ഷുബ്ധമാവുകയാണ് നിരന്തരം ,
എന്നിട്ടും നീ എവിടെയാണ് ? 

ഒരു മഴയ്ക്കും നിറഞ്ഞുകവിയാനോ
ഒരു വേനലിനും വരൾച്ചയ്ക്ക് വിൽക്കാനോ -
മാവാത്ത വിധം ഞാൻ ഇവിടെ ആർത്തിരമ്പുകയാണ് .......
കളഞ്ഞു പോയൊരു ശംഖിനെ തേടി,
അതുമല്ലെങ്കിൽ തിരമാലയിലൂടെ തിരിചെടുക്കേണ്ടൊരു
നിധിയെ കാത്തു ,
ഇതൊന്നുമല്ലെങ്കിൽ
ഒരു പക്ഷെ ചുഴിയിൽ വലിചെടുക്കേണ്ട ഒരു ജീവനെ തേടി ...
നീല ജലാശയം നിറഞ്ഞുകവിഞ്ഞ ഒരു കടൽ കണക്കെ...................
അറ്റമില്ലാത്ത ആഗ്രഹങ്ങളുടെ , ആഴമറിയാത്ത വികാരങ്ങളുടെ
എണ്ണിയാൽ ഒടുങ്ങാത്ത തിരമാലകളുടെ  കടൽ ,
അതെ , അതുമാത്രമാവുകയാണല്ലോ ഞാൻ !!!
ചിത്രത്തിന് കടപ്പാട് ഗൂഗിൾ !

Thursday, May 22, 2014

ഇര !




ചതിയിൽ വീഴുമെന്നറിഞ്ഞിട്ടും 
ചതുപ്പിൽ കുടുങ്ങി ഒടുങ്ങും എന്നറിവിലും, 
വേടനെ തേടിവരുന്ന ചില ഇരകൾ  ഉണ്ട് ...
നിന്റെ കപടതയെ , 
സ്നേഹം കബളിപ്പിക്കപെടുകയാണ് എന്നറിവിലും  
സ്വമേധയാ തന്നെത്തന്നെ 
ബലികൊടുക്കുകയാണ്  ഇവിടം ,
ആത്മ രക്ഷയെന്നോണം 
ആധിപിടിച്ചുള്ള അവസാന പിടച്ചിലിൽ 
വേടന്റെ കരളിലെ ഒരു തുള്ളി കണ്ണീരു 
സ്വപ്നം കാണുന്ന ഇരകൾ....
അവിടം ഇരയുടെ തിരഞ്ഞെടുപ്പാണ് ,
വേടൻ വേട്ടയാടപ്പെടും ,
കാലാന്തരങ്ങളിൽ രൂപാന്തരം പ്രാപിച്ചു ,
വേടൻ  ഇരയായി മാറുന്ന  സിദ്ധാന്തം 
അത് ഇരയ്ക്ക് മാത്രം സ്വന്തം !!!

'നാം'


എത്ര പകലുകൾ നാം ഒരുമിച്ചിരുന്നിരിക്കുന്നു ,
എത്ര രാവുകൾ ഒന്നിച്ചുറങ്ങിയിട്ടുണ്ട് ,
എനിക്കും നിനക്കും മാത്രമറിയുന്ന 
എത്രയെത്ര രഹസ്യങ്ങൾ നാം തുറന്നുപറഞ്ഞിരിക്കുന്നു ,
സന്തോഷങ്ങളിൽ നാം എത്രമാത്രം ചിരിച്ചു മടുത്തിട്ടുണ്ട്  ,
ദുഖങ്ങളിൽ നാമിരുന്നു എന്തോരം കരഞ്ഞിരിക്കുന്നു ,
നീ എന്റെതെന്നും ഞാൻ നിന്റെതെന്നും 
എത്രവട്ടം മത്സരിച്ചു ആണയിട്ടിരിക്കുന്നു ....
വിരലൊന്നു മുറിഞ്ഞാൽ, കണ്ണൊന്നു കലങ്ങിയാൽ 
ചങ്കു പറിച്ചെത്ര തവണ നാം സ്നേഹമൂട്ടിയിരിക്കുന്നു ..
എത്രയെത്ര ചുംബനങ്ങൾ , എത്രനെരമെന്നറിയാത്ത ആലിംഗനങ്ങൾ ,
എണ്ണിയാൽ തീരാത്തത്ര വാക്കേറ്റങ്ങൾ ,
കുറിക്കുകൊള്ളും ചുരിക കണക്കെ മൂർച്ചയുള്ള വാക്കുകൾ ,
ഒരു തരി ദയയില്ലാതെ നാം വെട്ടി വീഴ്ത്തിയ 
നമ്മുടെ തന്നെ ശരീരങ്ങൾ ,
ഇനിയും തീരാത്ത ഒരായിരം ഓർമ്മ പൂക്കൾ ....
നീ എന്നെയും, ഞാൻ നിന്നെയും അറിഞ്ഞ പോലെ 
ഒരാളും നമ്മെ അറിഞ്ഞിട്ടില്ലെന്ന് അറിയുമ്പോഴും ,
നിന്നോടുള്ള എന്റെ പ്രണയം 
ഞാൻ പറയാതെയും നീ അറിയാതെയും 
അടർന്നു പോവുകയാണ് ...........
ഓർമകളിൽ ഇപ്പോഴും വിരിയാത്തൊരു പൂവായി 
'നാം 'എന്നാ ബന്ധം , 
അതെ, നമ്മൾ എന്നാണാവോ  'നാം' ആവുന്നത് ? 

Falling in Love !




Fragrant scent of your body,
Passionate compassion from your heart,
Those intoxicating moments,
Intriguing senses.......
You were all over me,
And I couldn't resist, Oh I couldn't -
from falling in love with you for a moment!
 

Tree !


You are a tree with shade,
No matter how bad or good -
the fruit you may bear,
You still extend your shade under the sun…
And that’s what I like about it!

Tuesday, April 29, 2014

വിഷാദത്തിന്റെ പക്ഷി!!!




എന്റെ ആകാശത്ത് വട്ടമിട്ടു പറക്കുന്ന
വിഷാദത്തിന്റെ പക്ഷി, നീ വരിക 
എന്റെ തോളോട് ചേർന്നിരിക്കുക ....
നിനക്ക് ഞാനൊരു ഗീതം കേൾപ്പിക്കാം ,
ഇടക്കിടയ്ക്ക് നിന്റെ ചിറകടിയാലൊരു താളം..
മുഴുമിപ്പിക്കാൻ കഴിയാത്ത എന്റെ ഗാനം... 
കണ്ണുകൾ തമ്മിലുടക്കി കൊത്തിവലിക്കുന്നുണ്ട് ,
നിന്റെ തൂവലുകൾ എന്റെ കവിളത്ത് പെയ്യുന്നു 
എന്റെ കരങ്ങൾ നിന്റെ ദേഹത്ത് ഒഴുകുന്നു ...
നിന്റെ വിഷാദം ഞാൻ ഒപ്പിയെടുക്കുകയും 
എന്റെ സ്നേഹം നിന്നിലേക്ക്‌ 
കൊക്കുരുമ്മുകയും ചെയ്യുമ്പോൾ ,
വിഷാദത്തിന്റെ പക്ഷി , നീ തിരിച്ചു പറക്കുക
പ്രണയത്തിന്റെ കുയിൽ നാദമായ് .....!



ചിത്രത്തിന് കടപ്പാട് ഗൂഗിൾ !